Düşmən Tərtərdə yaşayış evinə top atdı: Ölən var - RƏSMİ

14-10-2020, 09:55

Düşmən Tərtərdə yaşayış evinə top atdı: Ölən var - RƏSMİ

Gun24.az xəbər verir ki, bu gün səhər saatlarından başlayaraq düşmən tərəfin silahlı birləşmələri tərəfindən Tərtər rayonu intensiv raket və  ağır artilleriyadan atəşə tutulub.


Bununla bağlı Baş Prokurorluq məlumat yayıb. 


Məlumatda bildirilib ki, saat 09 radələrində Tərtər rayonu, Narlı qəsəbəsində yaşayan 1969-cu il təvəllüdlü Axundov Ədavət Zahid oğlu yaşadığı evin həyətinə top mərmisinin düşməsi nəticəsində həlak olub, yaşayış evinə isə külli miqdarda ziyan dəyib.


Hazırda prokurorluq əməkdaşları tərəfindən mövcud şəraitdə mümkün olan bütün istintaq tədbirləri həyata keçirilir.

Digər Xəbərlər: